అందాల ఎమ్మిగనూరు చేనేత

కర్నూలు జిల్లా ఎమ్మిగనూరు లో చేనేత కళాకారుల చేతుల్లో రూపుదిద్దుకొనే జరీ అంచు సికో, కాటన్ పట్టు చీరలు ఎంతో ప్రత్యేకం. అంచుల పైన ఏనుగులు అందమైన దారపు ఆకారాలు సహజసిద్ధమైన సాంప్రదాయ సొగసులతో ఎంతో అందంగా ఉంటాయి. వారసత్వంగా వస్తున్న ఈ నేతకలకు గతంలో జాతీయ పురస్కారాలు కూడా అందాయి. ఇక్కడ నేసే జిందగీ దుప్పట్లు, బర్డ్స్‌ ఐ తువాళ్లు, లుంగీలు, చేతి రుమాళ్లు, దోమతెరలు, దోతీలు, మొదలైన ఉత్పత్తులతో ఎమ్మిగనూరు ఒక బ్రాండ్. చీర అల్లికలో అంచులని వివిధ రంగుల దారాలతో కలుపుతూ కుట్టు వేయటం ఎమ్మిగనూరు ప్రత్యేకత. ఈ చీరలకు మన దేశంలోనే కాదు విదేశాల్లోనూ ఎంతో డిమాండ్ ఉంది.